Rauch MDS 10.1 / 11.1 / 12.1 / 17.1 / 19.1 Návod na používanie

NOTENDAHANDBÓK

MDS 10.1/11.1/12.1/17.1/19.1

Lesið gaumgæfilega

áður en vélin er tekin

í notkun!

Geymið fyrir síðari notkun

Þessi notenda- og

samsetningarhandbók fylgir vélinni.

Söluaðilar nýrra og notaða véla skulu

staðfesta skriflega að notenda- og

samsetningarhandbókin hafi fylgt

vélinni til viðskiptavinar.

Þýðing notendahandbókar

úr frummáli

5901487-a-is-1109

Formáli

Kæri viðskiptavinur.

Við þökkum auðsýnt traust við kaup á þyrildreifara fyrir steinefnaáburð af gerðinni MDS. Kærar

þakkir! Þú munt ekki verða fyrir vonbrigðum með þessa afkastamiklu og áreiðanlegu vél.

Ef svo ólíklega vill til að vandamál komi upp er þjónustudeild okkar ávallt til þjónustu reiðubúin.

Vinsamlegast lesið þessa notendahandbók gaumgæfilega áður en þyrildreifarinn fyrir stei-

nefnaáburð er tekinn í notkun og fylgið leiðbeiningunum.

Notendahandbókin segir nákvæmlega til um notkun og gefur nytsamlegar ábendingar um sam-

setningu, viðhald og umhirðu.

Í handbókinni kann einnig að vera fjallað um búnað sem fylgir ekki með vélinni.

Eins og notendum er kunnugt um er ekki hægt að fara fram á bætur í ábyrgð vegna tjóns sem

rekja má til mistaka við notkun eða óviðeigandi notkunar.

Tæknilegar endurbætur

Við leitumst stöðugt við að bæta vörur okkar. Af þessum sökum áskiljum okkur rétt til að

bæta og breyta vörum okkar fyrirvaralaust án fyrirheits um að gera sömu bætur eða brey-

tingar á seldum vélum.

Okkur er ánægja að svara nánari spurningum.

Með kærri kveðju,

RAUCH

Landmaschinenfabrik GmbH

n VARÚÐ

Færið gerð, raðnúmer og framleiðsluár þyrildreifararans fyrir steinefnaá-

burð hér inn.

Þessar upplýsingar er að finna á upplýsingaplötu framleiðanda eða á grindinni.

Tilgreinið ávallt þessar upplýsingar við pöntun varahluta eða aukabúnaðar eða

ef koma þarf kvörtun á framfæri.

Gerð: Raðnúmer: Framleiðsluár:

Efnisyfirlit

I

Formáli

1 Fyrirhuguð notkun og EB-samræmi 1

1.1 Fyrirhuguð notkun . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 1

1.2 EB-samræmisyfirlýsing . . . . . . . . . . . . . . . . . . . . . . . . . . . . . . . . . . . . . . . . . . . . . . . 2

2 Upplýsingar fyrir notendur 3

2.1 Um þessa notendahandbók. . . . . . . . . . . . . . . . . . . . . . . . . . . . . . . . . . . . . . . . . . . . 3

2.2 Uppbygging notendahandbókarinnar. . . . . . . . . . . . . . . . . . . . . . . . . . . . . . . . . . . . . 3

2.3 Upplýsingar um framsetningu texta . . . . . . . . . . . . . . . . . . . . . . . . . . . . . . . . . . . . . . 4

2.3.1 Leiðbeiningar . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 4

2.3.2 Upptalning . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 4

2.3.3 Tilvísanir. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 4

3Öryggi 5

3.1 Almennar leiðbeiningar . . . . . . . . . . . . . . . . . . . . . . . . . . . . . . . . . . . . . . . . . . . . . . . 5

3.2 Merking öryggisupplýsinga . . . . . . . . . . . . . . . . . . . . . . . . . . . . . . . . . . . . . . . . . . . . 5

3.3 Almennt um öryggi vélarinnar . . . . . . . . . . . . . . . . . . . . . . . . . . . . . . . . . . . . . . . . . . 7

3.4 Ábendingar fyrir rekstraraðila. . . . . . . . . . . . . . . . . . . . . . . . . . . . . . . . . . . . . . . . . . . 7

3.4.1 Hæfni starfsmanna. . . . . . . . . . . . . . . . . . . . . . . . . . . . . . . . . . . . . . . . . . . . . 7

3.4.2 Tilsögn . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 7

3.4.3 Slysavarnir . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 8

3.5 Upplýsingar um rekstraröryggi. . . . . . . . . . . . . . . . . . . . . . . . . . . . . . . . . . . . . . . . . . 8

3.5.1 Þyrildreifarinn settur niður . . . . . . . . . . . . . . . . . . . . . . . . . . . . . . . . . . . . . . . 8

3.5.2 Fyllt á þyrildreifarann . . . . . . . . . . . . . . . . . . . . . . . . . . . . . . . . . . . . . . . . . . . 8

3.5.3 Atriði sem þarf að skoða áður en vélin er tekin í notkun . . . . . . . . . . . . . . . . 9

3.5.4 Vinnsla . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 9

3.6 Notkun áburðar . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 10

3.7 Vökvakerfi . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 10

3.8 Viðhald og viðgerðir. . . . . . . . . . . . . . . . . . . . . . . . . . . . . . . . . . . . . . . . . . . . . . . . . 11

3.8.1 Hæfni starfsmanna sem annast viðhald. . . . . . . . . . . . . . . . . . . . . . . . . . . . 11

3.8.2 Slithlutir . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 11

3.8.3 Viðhalds- og viðgerðavinna . . . . . . . . . . . . . . . . . . . . . . . . . . . . . . . . . . . . . 12

3.9 Umferðaröryggi . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 12

3.9.1 Skoðanir áður en ekið er af stað . . . . . . . . . . . . . . . . . . . . . . . . . . . . . . . . . 13

3.9.2 Þyrildreifarinn fyrir steinefnaáburð fluttur á milli staða . . . . . . . . . . . . . . . . . 13

3.10 Hlífðarbúnaður á vélinni. . . . . . . . . . . . . . . . . . . . . . . . . . . . . . . . . . . . . . . . . . . . . . 14

3.10.1 Staðsetning hlífðarbúnaðar . . . . . . . . . . . . . . . . . . . . . . . . . . . . . . . . . . . . . 14

3.10.2 Virkni hlífðarbúnaðar . . . . . . . . . . . . . . . . . . . . . . . . . . . . . . . . . . . . . . . . . . 15

3.11 Límmiðar með viðvörunum og leiðbeiningum . . . . . . . . . . . . . . . . . . . . . . . . . . . . . 16

3.11.1 Límmiðar með viðvörunum. . . . . . . . . . . . . . . . . . . . . . . . . . . . . . . . . . . . . . 16

3.11.2 Límmiðar með leiðbeiningum og upplýsingaplata framleiðanda . . . . . . . . . 17

3.12 Flutningur eftirvagna (aðeins fyrir Þýskaland) . . . . . . . . . . . . . . . . . . . . . . . . . . . . . 18

3.13 Glitaugu . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 18

Efnisyfirlit

II

4 Vélarupplýsingar 19

4.1 Framleiðandi. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 19

4.2 Tæknilýsing grunnútfærslu. . . . . . . . . . . . . . . . . . . . . . . . . . . . . . . . . . . . . . . . . . . . 20

4.3 Tæknilýsing stækkunarviðbóta og samsetninga stækkunarviðbóta . . . . . . . . . . . . . 21

5 Flutningur án dráttarvélar 23

5.1 Almennar öryggisleiðbeiningar. . . . . . . . . . . . . . . . . . . . . . . . . . . . . . . . . . . . . . . . . 23

5.2 Lestun og losun, vélin sett niður. . . . . . . . . . . . . . . . . . . . . . . . . . . . . . . . . . . . . . . . 23

6 Vélin tekin í notkun 25

6.1 Við afhendingu á þyrildreifara fyrir steinefnaáburð. . . . . . . . . . . . . . . . . . . . . . . . . . 25

6.2 Kröfur til dráttarvélar. . . . . . . . . . . . . . . . . . . . . . . . . . . . . . . . . . . . . . . . . . . . . . . . . 25

6.3 Samsetning á þyrildreifara fyrir steinefnaáburð . . . . . . . . . . . . . . . . . . . . . . . . . . . . 26

6.3.1 Athugið staðsetningu drifs . . . . . . . . . . . . . . . . . . . . . . . . . . . . . . . . . . . . . . 28

6.3.2 MDS 10.1/11.1/12.1/17.1/19.1 (M) . . . . . . . . . . . . . . . . . . . . . . . . . . . . . . . . 29

6.3.3 MDS 10.1/11.1/12.1/17.1/19.1 (K/R/D). . . . . . . . . . . . . . . . . . . . . . . . . . . . . 30

6.3.4 Hræribúnaður settur saman . . . . . . . . . . . . . . . . . . . . . . . . . . . . . . . . . . . . . 34

6.4 Hlífðargrind sett á. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 35

6.5 Öryggis- og hlífðarbúnaður festur. . . . . . . . . . . . . . . . . . . . . . . . . . . . . . . . . . . . . . . 38

6.6 Drifskaftið sett á þyrildreifarann fyrir steinefnaáburð . . . . . . . . . . . . . . . . . . . . . . . . 39

6.6.1 Lengd drifskafts athuguð . . . . . . . . . . . . . . . . . . . . . . . . . . . . . . . . . . . . . . . 39

6.6.2 Drifskaft tengt/aftengt . . . . . . . . . . . . . . . . . . . . . . . . . . . . . . . . . . . . . . . . . . 40

6.7 Þyrildreifari fyrir steinefnaáburð tengdur við dráttarvél. . . . . . . . . . . . . . . . . . . . . . . 42

6.7.1 Skilyrði . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 42

6.7.2 Tengt. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 43

6.8 Uppsetningarhæð stillt . . . . . . . . . . . . . . . . . . . . . . . . . . . . . . . . . . . . . . . . . . . . . . . 46

6.8.1 Öryggi . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 46

6.8.2 Mesta leyfilega uppsetningarhæð að framan (V) og aftan (H) . . . . . . . . . . . 47

6.8.3 Uppsetningarhæð A og B samkvæmt dreifitöflu . . . . . . . . . . . . . . . . . . . . . . 48

6.9 Stýring skömmtunarops tengd/aftengd. . . . . . . . . . . . . . . . . . . . . . . . . . . . . . . . . . . 51

6.9.1 MDS 10.1/11.1/12.1/17.1/19.1 (K/R/D). . . . . . . . . . . . . . . . . . . . . . . . . . . . . 51

6.9.2 MDS 10.1/11.1/12.1/17.1/19.1 (Quantron M Eco) . . . . . . . . . . . . . . . . . . . . 53

6.9.3 MDS 10.1/11.1/12.1/17.1/19.1 (M) með aukabúnaði FHK 4/FHD 4 . . . . . . . 54

6.9.4 Uppsetning á einvirkri vökvastýringu skömmtunarops FHK 4 . . . . . . . . . . . 54

6.9.5 Vinstri vinkilliður lagaður að stýringum skömmtunarops FHK 4/FHD 4 . . . . 55

6.9.6 Uppsetning á tvívirkri vökvastýringu skömmtunarops FHD 4 . . . . . . . . . . . . 55

6.10 Fyllt á þyrildreifara fyrir steinefnaáburð . . . . . . . . . . . . . . . . . . . . . . . . . . . . . . . . . . 56

6.11 Þyrildreifari fyrir steinefnaáburð settur niður og aftengdur . . . . . . . . . . . . . . . . . . . . 57

Efnisyfirlit

III

7 Vélarstillingar 59

7.1 Dreifimagn stillt . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 60

7.1.1 MDS 10.1/11.1/12.1/17.1/19.1 (M). . . . . . . . . . . . . . . . . . . . . . . . . . . . . . . . 60

7.1.2 MDS 10.1/11.1/12.1/17.1/19.1 (K/R/D) . . . . . . . . . . . . . . . . . . . . . . . . . . . . 62

7.2 Notkun dreifitöflu . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 63

7.2.1 Upplýsingar um dreifitöfluna. . . . . . . . . . . . . . . . . . . . . . . . . . . . . . . . . . . . . 63

7.2.2 Stillingar samkvæmt dreifitöflu . . . . . . . . . . . . . . . . . . . . . . . . . . . . . . . . . . . 64

7.3 Vinnslubreidd stillt . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 70

7.3.1 Stilling dreifiugga . . . . . . . . . . . . . . . . . . . . . . . . . . . . . . . . . . . . . . . . . . . . . 70

7.4 Stillingar fyrir ótilgreindar áburðartegundir. . . . . . . . . . . . . . . . . . . . . . . . . . . . . . . . 75

7.4.1 Prófunarsett: Skilyrði . . . . . . . . . . . . . . . . . . . . . . . . . . . . . . . . . . . . . . . . . . 75

7.4.2 Ein yfirferð (prófunarsett) . . . . . . . . . . . . . . . . . . . . . . . . . . . . . . . . . . . . . . . 76

7.4.3 Þrjár yfirferðir (prófunarsett). . . . . . . . . . . . . . . . . . . . . . . . . . . . . . . . . . . . . 79

7.4.4 Dæmi um hvernig stilling dreifarans er lagfærð . . . . . . . . . . . . . . . . . . . . . . 82

7.5 Dreifing öðrum megin . . . . . . . . . . . . . . . . . . . . . . . . . . . . . . . . . . . . . . . . . . . . . . . 83

7.5.1 MDS 10.1/11.1/12.1/17.1/19.1 (M). . . . . . . . . . . . . . . . . . . . . . . . . . . . . . . . 83

7.5.2 MDS 10.1/11.1/12.1/17.1/19.1 (K/R/D) . . . . . . . . . . . . . . . . . . . . . . . . . . . . 83

7.6 Kant- eða jaðardreifing . . . . . . . . . . . . . . . . . . . . . . . . . . . . . . . . . . . . . . . . . . . . . . 84

7.6.1 Kantdreifing út frá fyrstu akstursleið. . . . . . . . . . . . . . . . . . . . . . . . . . . . . . . 84

7.6.2 Jaðar- eða kantdreifing með jaðardreifibúnaðinum GSE 7 (aukabúnaður) . 84

7.6.3 Jaðar- eða kantdreifing með jaðardreifibúnaðinum TELIMAT T1

(aukabúnaður) . . . . . . . . . . . . . . . . . . . . . . . . . . . . . . . . . . . . . . . . . . . . . . . 84

7.7 Dreifing á mjóum ræmum . . . . . . . . . . . . . . . . . . . . . . . . . . . . . . . . . . . . . . . . . . . . 84

8 Dreifingarprófun og afgangar tæmdir úr karinu 85

8.1 Fundið út hvert útrennslismagnið á að vera. . . . . . . . . . . . . . . . . . . . . . . . . . . . . . . 85

8.1.1 Nákvæmur aksturshraði fundinn út . . . . . . . . . . . . . . . . . . . . . . . . . . . . . . . 85

8.1.2 Fundið út hvert útrennslismagnið á mínútu á að vera . . . . . . . . . . . . . . . . . 86

8.2 Dreifingarprófun framkvæmd. . . . . . . . . . . . . . . . . . . . . . . . . . . . . . . . . . . . . . . . . . 88

8.3 Afgangar tæmdir úr karinu. . . . . . . . . . . . . . . . . . . . . . . . . . . . . . . . . . . . . . . . . . . . 93

Efnisyfirlit

IV

9 Viðhald og viðgerðir 95

9.1 Öryggi. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .95

9.2 Slithlutir og skrúfaðar festingar. . . . . . . . . . . . . . . . . . . . . . . . . . . . . . . . . . . . . . . . . 95

9.2.1 Slithlutir athugaðir. . . . . . . . . . . . . . . . . . . . . . . . . . . . . . . . . . . . . . . . . . . . . 95

9.2.2 Skrúfaðar festingar athugaðar . . . . . . . . . . . . . . . . . . . . . . . . . . . . . . . . . . . 96

9.2.3 Flatar fjaðrir á dreifiskífum athugaðar. . . . . . . . . . . . . . . . . . . . . . . . . . . . . . 96

9.3 Hreinsun. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 97

9.4 Hlífðargrind í kari opnuð. . . . . . . . . . . . . . . . . . . . . . . . . . . . . . . . . . . . . . . . . . . . . . 98

9.5 Skömmtunarop athuguð og stillt. . . . . . . . . . . . . . . . . . . . . . . . . . . . . . . . . . . . . . . 100

9.5.1 MDS 10.1/11.1/12.1/17.1/19.1 (K/R/D). . . . . . . . . . . . . . . . . . . . . . . . . . . . 100

9.5.2 MDS 10.1/11.1/12.1/17.1/19.1 (M) . . . . . . . . . . . . . . . . . . . . . . . . . . . . . . . 103

9.6 Athugað með slit á hræribúnaði . . . . . . . . . . . . . . . . . . . . . . . . . . . . . . . . . . . . . . . 104

9.7 Dreifiskífunöf athuguð . . . . . . . . . . . . . . . . . . . . . . . . . . . . . . . . . . . . . . . . . . . . . . 105

9.8 Athugað með slit á plasthlutum sem tengjast öryggi . . . . . . . . . . . . . . . . . . . . . . . 105

9.9 Dreifiskífur teknar af og settar upp . . . . . . . . . . . . . . . . . . . . . . . . . . . . . . . . . . . . . 106

9.9.1 Dreifiskífur teknar af . . . . . . . . . . . . . . . . . . . . . . . . . . . . . . . . . . . . . . . . . . 106

9.9.2 Dreifiskífur settar upp . . . . . . . . . . . . . . . . . . . . . . . . . . . . . . . . . . . . . . . . . 107

9.10 Stilling hræribúnaðar athuguð . . . . . . . . . . . . . . . . . . . . . . . . . . . . . . . . . . . . . . . . 108

9.11 Skipt um dreifiugga. . . . . . . . . . . . . . . . . . . . . . . . . . . . . . . . . . . . . . . . . . . . . . . . . 109

9.11.1 Skipt um framlengingarugga. . . . . . . . . . . . . . . . . . . . . . . . . . . . . . . . . . . . 109

9.11.2 Skipt um aðalugga eða allan dreifiuggann . . . . . . . . . . . . . . . . . . . . . . . . . 112

9.12 Skipt um MDS-dreifiugga fyrir X-dreifiugga . . . . . . . . . . . . . . . . . . . . . . . . . . . . . . 116

9.13 Gírolía. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .118

9.13.1 Magn og tegundir . . . . . . . . . . . . . . . . . . . . . . . . . . . . . . . . . . . . . . . . . . . . 118

9.13.2 Olíuhæð athuguð, skipt um olíu . . . . . . . . . . . . . . . . . . . . . . . . . . . . . . . . . 118

9.14 Smuráætlun . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 119

10 Mikilvægar ábendingar um notkun dreifarans 121

10.1 Almennar leiðbeiningar. . . . . . . . . . . . . . . . . . . . . . . . . . . . . . . . . . . . . . . . . . . . . . 121

10.2 Dreifing á áburði. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 122

10.3 Áfyllingarkvarði. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 123

10.4 Dreifing á spilduenda . . . . . . . . . . . . . . . . . . . . . . . . . . . . . . . . . . . . . . . . . . . . . . . 124

10.5 TELIMAT T1 (aukabúnaður). . . . . . . . . . . . . . . . . . . . . . . . . . . . . . . . . . . . . . . . . . 126

10.5.1 Stilling TELIMAT. . . . . . . . . . . . . . . . . . . . . . . . . . . . . . . . . . . . . . . . . . . . . 126

10.5.2 Kastlengd leiðrétt . . . . . . . . . . . . . . . . . . . . . . . . . . . . . . . . . . . . . . . . . . . . 129

10.5.3 Ábendingar varðandi dreifingu með TELIMAT . . . . . . . . . . . . . . . . . . . . . . 129

10.6 Raðdreifibúnaður RV 2M1 (aukabúnaður) . . . . . . . . . . . . . . . . . . . . . . . . . . . . . . . 130

10.6.1 Forstillingar á þyrildreifara fyrir steinefnaáburð. . . . . . . . . . . . . . . . . . . . . . 130

10.6.2 Stilling bils milli raða og dreifibreiddar . . . . . . . . . . . . . . . . . . . . . . . . . . . . 131

10.6.3 Stillingar fyrir dreifimagn . . . . . . . . . . . . . . . . . . . . . . . . . . . . . . . . . . . . . . . 132

11 Bilanir og mögulegar orsakir 133

Efnisyfirlit

V

12 Aukabúnaður 135

12.1 Stækkunarviðbætur . . . . . . . . . . . . . . . . . . . . . . . . . . . . . . . . . . . . . . . . . . . . . . . . 135

12.2 Yfirbreiðsla fyrir kar . . . . . . . . . . . . . . . . . . . . . . . . . . . . . . . . . . . . . . . . . . . . . . . . 135

12.3 RFZ 7 (allar útfærslur nema MDS 10.1) . . . . . . . . . . . . . . . . . . . . . . . . . . . . . . . . 135

12.4 TELIMAT T1 . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 135

12.5 Tvíátta eining . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 136

12.6 Tele-Space-drifskaft. . . . . . . . . . . . . . . . . . . . . . . . . . . . . . . . . . . . . . . . . . . . . . . . 136

12.7 Aukaljós . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 136

12.8 Raðdreifibúnaður RV 2M1 fyrir humla og ávaxtaræktun . . . . . . . . . . . . . . . . . . . . 137

12.9 Jaðardreifibúnaður GSE 7 . . . . . . . . . . . . . . . . . . . . . . . . . . . . . . . . . . . . . . . . . . . 137

12.10Vökvaknúin fjarstýring FHZ 10. . . . . . . . . . . . . . . . . . . . . . . . . . . . . . . . . . . . . . . . 137

12.11Vökvastýring skömmtunarops FHK 4 . . . . . . . . . . . . . . . . . . . . . . . . . . . . . . . . . . 137

12.12Vökvastýring skömmtunarops FHD 4 . . . . . . . . . . . . . . . . . . . . . . . . . . . . . . . . . . 137

12.13Hrærifingur fyrir grasfræ RWK 7 . . . . . . . . . . . . . . . . . . . . . . . . . . . . . . . . . . . . . . 137

12.14Hræribúnaður RWK 15 . . . . . . . . . . . . . . . . . . . . . . . . . . . . . . . . . . . . . . . . . . . . . 137

12.15Prófunarsett PPS1/PPS5. . . . . . . . . . . . . . . . . . . . . . . . . . . . . . . . . . . . . . . . . . . . 137

12.16Áburðargreiningarkerfi (DiS) . . . . . . . . . . . . . . . . . . . . . . . . . . . . . . . . . . . . . . . . . 137

13 Útreikningur á öxulþunga 139

14 Förgun 143

14.1 Öryggi . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 143

14.2 Förgun . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 144

Ábyrgð

Efnisyfirlit

VI

Fyrirhuguð notkun og EB-samræmi

1

1 Fyrirhuguð notkun og EB-samræmi

1.1 Fyrirhuguð notkun

MDS-þyrildreifarar fyrir steinefnaáburð eru smíðaðir með fyrirhugaða notkun fyrir

augum og má eingöngu nota þá í eftirfarandi tilgangi:

Við hefðbundna notkun í landbúnaði,

til dreifingar á þurrum, kornóttum og kristölluðum áburði.

Annars konar notkun er ekki í samræmi við fyrirhugaðan tilgang vélarinnar.

Framleiðandi ber ekki ábyrgð á því tjóni sem af kann að hljótast. Notandinn ber

sjálfur alla ábyrgð.

Til fyrirhugaðrar notkunar telst jafnframt að fara eftir öllum fyrirmælum

framleiðanda um notkun, viðhald og viðgerðir. Notið eingöngu upprunalega

varahluti frá framleiðanda.

Þeir einir mega nota MDS-þyrildreifara fyrir steinefnaáburð og sinna viðhaldi og

viðgerðum á honum sem þekkja eiginleika vélarinnar og er kunnugt um hætturnar

sem af henni geta stafað.

Við notkun vélarinnar er mikilvægt að farið sé eftir leiðbeiningum framleiðanda

um notkun, viðhald og öryggi í þessari notendahandbók sem og

öryggisupplýsingum og viðvörunartáknum á vélinni.

Þegar vélin er notuð skal fara eftir þeim reglum sem eiga við um slysavarnir

hverju sinni, umferðarreglum sem og öðrum almennt viðurkenndum reglum um

öryggi og hollustuhætti á vinnustöðum.

Óheimilt er að breyta MDS-þyrildreifaranum fyrir steinefnaáburð á eigin spýtur. Ef

gerðar eru breytingar á eigin spýtur tekur ábyrgð framleiðanda ekki til þess tjóns

sem af kann að hljótast.

Rangnotkun sem sjá má fyrir

Með öryggisupplýsingum og viðvörunartáknum á MDS-þyrildreifaranum fyrir

steinefnaáburð vekur framleiðandi athygli á rangnotkun sem sjá má fyrir.

Mikilvægt er að farið sé eftir þessum öryggisupplýsingum og viðvörunartáknum til

að fyrirbyggja að MDS-þyrildreifarinn fyrir steinefnaáburð sé notaður með öðrum

hætti en gert er ráð fyrir í notendahandbókinni.

Fyrirhuguð notkun og EB-samræmi 1

2

1.2 EB-samræmisyfirlýsing

Samkvæmt 2006/42/EB, II. viðauka, tl. 1.A

Rauch - Landmaschinenfabrik GmbH,

Landstrasse 14, 76547 Sinzheim, Þýskalandi

Hér með lýsum við því yfir að varan:

Þyrildreifari fyrir steinefnaáburð af gerðinni MDS

Gerð: MDS 10.1, MDS 11.1, MDS 12.1, MDS 17.1, MDS 19.1

uppfyllir öll viðeigandi ákvæði tilskipunar 2006/42/EB um vélar.

Samantekt tækniskjala annaðist:

Rauch – framleiðslustjórn

Landstrasse 14, 76547 Sinzheim, Þýskalandi

(Norbert Rauch - framkvæmdastjóri)

Muster

Sample

Spécimen

Upplýsingar fyrir notendur

3

2

2 Upplýsingar fyrir notendur

2.1 Um þessa notendahandbók

Þessi notendahandbók fylgir með þyrildreifara fyrir steinefnaáburð af gerðinni

MDS.

Notendahandbókin hefur að geyma mikilvægar upplýsingar um örugga, rétta og

hagkvæma notkun ogviðhald þyrildreifarans fyrir steinefnaáburð. Ef farið er eftir

þeim er hægt að forðast hættur, draga úr viðgerðakostnaði og bilanatíma, sem

og auka áreiðanleika og endingu vélarinnar.

Geyma skal öll fylgiskjöl vélarinnar, þ.e. þessa notendahandbók og öll skjöl frá

söluaðila vélarinnar, innan seilingar á notkunarstað þyrildreifarans fyrir

steinefnaáburð (t.d. í dráttarvélinni).

Þegar vélin er seld skal notendahandbókin fylgja með henni.

Notendahandbókin er ætluð fyrir rekstraraðila þyrildreifara fyrir steinefnaáburð

MDS sem og fyrir stjórnendur hans og þá sem annast viðhald. Hver sá sem

annast eftirfarandi störf við vélina skal lesa notendahandbókina vandlega og

fylgja henni í hvívetna:

stjórnun,

viðhald og þrif,

viðgerðir.

Gæta skal sérstaklega að:

kaflanum um öryggisatriði,

viðvörunum í texta hvers kafla fyrir sig.

Notendahandbókin leysir rekstraraðila og stjórnendur þyrildreifarans ekki undan

ábyrgð sinni MDS.

2.2 Uppbygging notendahandbókarinnar

Notendahandbókin skiptist niður í sex svið eftir efnisatriðum:

upplýsingar fyrir notendur,

öryggisleiðbeiningar,

upplýsingar um vélina,

leiðbeiningar um notkun þyrildreifarans fyrir steinefnaáburð,

ábendingar um hvernig skal greina og gera við bilanir og

reglur um viðhald og viðgerðir.

Upplýsingar fyrir notendur 2

4

2.3 Upplýsingar um framsetningu texta

2.3.1 Leiðbeiningar

Aðgerðir sem stjórnendur eiga að framkvæma eru settar fram í númeraröð.

1. Leiðbeiningar um skref 1

2. Leiðbeiningar um skref 2

Leiðbeiningar sem fela aðeins í sér eitt skref eru ekki tölusettar. Það sama á við

þegar ekki skiptir máli í hvaða röð aðgerðir eru framkvæmdar.

Hjá þessum leiðbeiningum stendur áherslupunktur:

Leiðbeiningar

2.3.2 Upptalning

Upptalningar á atriðum sem eru ekki í tiltekinni röð eru settar fram sem listi með

upptalningarpunktum (stig 1) og strikum (strik 2):

Eiginleiki A

- Atriði A

- Atriði B

Eiginleiki B

2.3.3 Tilvísanir

Þegar vísað er í aðra staði í skjalinu er það sett fram með númeri liðar, yfirskrift

og blaðsíðutali:

Sjá einnig kafla 3: Öryggi, bls. 5.

Þegar vísað er í önnur skjöl er það gert með ábendingum eða leiðbeiningum án

þess að tilgreina kafla eða blaðsíðutal:

Fara skal eftir því sem fram kemur í notendahandbók frá framleiðanda

drifskaftsins.

Öryggi

5

3

3Öryggi

3.1 Almennar leiðbeiningar

Í kaflanum Öryggi koma fram helstu öryggisupplýsingar sem og vinnuverndar- og

umferðarreglur sem tengjast meðhöndlun uppsettu vélarinnar.

Það að farið sé eftir leiðbeiningunum í þessum kafla er grundvallarforsenda fyrir

því að hægt sé að tryggja öryggi og fyrirbyggja bilanir á vélinni.

Í öðrum köflum notendahandbókarinnar er að finna frekari öryggisupplýsingar

sem einnig skal fylgja í hvívetna. Viðvaranirnar standa á undan viðkomandi

aðgerðum.

Öryggisupplýsingar um íhluti frá birgjum er að finna í samsvarandi fylgiskjölum frá

birgjum. Einnig skal fara eftir þessum öryggisupplýsingum.

3.2 Merking öryggisupplýsinga

Í þessari notendahandbók eru öryggisupplýsingar flokkaðar eftir vægi og líkum á

hættu hverju sinni.

Hættutáknin vekja athygli á þeim hættum við meðhöndlun vélarinnar sem ekki er

unnt að fyrirbyggja við hönnun hennar. Öryggisupplýsingarnar eru settar fram

með eftirfarandi hætti:

Dæmi

Merkiorð

Tákn Skýring

n HÆTTA

Lífshætta ef ekki er farið eftir öryggisupplýsingum

Lýsing á hættu og mögulegum afleiðingum hennar.

Ef ekki er farið eftir þessum öryggisupplýsingum hefur það alvarleg

slys í för með sér, jafnvel banaslys.

Ráðstafanir til að forðast hættu.

Öryggi 3

6

Hættustig öryggisupplýsinga

Hættustigið er gefið til kynna með merkiorðinu. Hættustigin eru flokkuð með

eftirfarandi hætti:

n HÆTTA

Tegund og orsök hættu

Hér er varað við hættu sem ógnar lífi og heilsu fólks.

Ef ekki er farið eftir þessum öryggisupplýsingum hefur það alvarleg

slys í för með sér, jafnvel banaslys.

Gera verður þær ráðstafanir sem lýst er til að afstýra hættu.

n VIÐVÖRUN

Tegund og orsök hættu

Hér er varað við aðstæðum sem kunna að stefna heilsu fólks í

hættu.

Ef ekki er farið eftir þessum öryggisupplýsingum mun það hafa

alvarleg slys í för með sér.

Gera verður þær ráðstafanir sem lýst er til að afstýra hættu.

n VARÚÐ

Tegund og orsök hættu

Hér er varað við aðstæðum sem kunna að stefna heilsu fólks í

hættu eða geta leitt til tjóns eða umhverfisspjalla.

Ef ekki er farið eftir þessum öryggisupplýsingum mun það valda

slysum, tjóni eða spjöllum á umhverfinu.

Gera verður þær ráðstafanir sem lýst er til að afstýra hættu.

ATHUGIÐ

Í almennum leiðbeiningum koma fram ábendingar um notkun og gagnlegar

upplýsingar, en ekki er varað við hættu.

Öryggi

7

3

3.3 Almennt um öryggi vélarinnar

MDS-þyrildreifarinn fyrir steinefnaáburð er smíðaður samkvæmt nýjustu tækni og

viðurkenndum tæknireglum. Engu að síður er ekki hægt að útiloka að af notkun

og viðhaldi hans hljótist hætta fyrir stjórnendur hans eða annað fólk sem og að

vélin eða aðrir hlutir verði fyrir tjóni.

Af þessum sökum skal eingöngu nota MDS-þyrildreifarann:

þegar hann er í fullkomnu lagi,

með tilliti til öryggisatriða og þeirrar hættu sem af honum getur stafað.

Skilyrði fyrir því er að notandi þekki og fari eftir efni þessarar notendahandbókar,

viðeigandi reglum um slysavarnir, umferðarreglum sem og öðrum almennt

viðurkenndum reglum um öryggi og hollustuhætti á vinnustöðum.

3.4 Ábendingar fyrir rekstraraðila

Rekstraraðili er ábyrgur fyrir því að vélin sé notuð með fyrirhuguðum hætti.

3.4.1 Hæfni starfsmanna

Þeir sem annast stjórnun, viðhald eða viðgerðir á vélinni skulu lesa

notendahandbókina vandlega áður en þeir taka til starfa.

Eingöngu þeir starfsmenn sem hlotið hafa tilsögn og hafa leyfi rekstraraðila

mega stjórna vélinni.

Starfsfólk sem er í starfsþjálfun má ekki vinna við vélina nema undir eftirliti

reynds aðila.

Starfsfólk sem uppfyllir viðeigandi hæfniskröfur skal annast allt viðhald og

viðgerðir.

3.4.2 Tilsögn

Söluaðilar, fulltrúar frá verksmiðju eða starfsmenn RAUCH veita rekstraraðila

tilsögn í stjórnun og viðhaldi vélarinnar.

Rekstraraðila ber að sjá til þess að nýir starfsmenn sem annast stjórnun og

viðhald á vélinni fái ítarlega tilsögn með hliðsjón af þessari notendahandbók.

Öryggi 3

8

3.4.3 Slysavarnir

Fara skal eftir gildandi reglum um öryggi og slysavarnir á hverjum stað.

Rekstraraðila vélarinnar ber að sjá til þess að þessum reglum sé framfylgt.

Jafnframt skal gæta að eftirfarandi atriðum:

Látið vélina aldrei vinna án eftirlits.

Ekki má fara upp á vélina á meðan verið er að vinna með hana eða flytja

hana milli staða.

Ekki má nota neina hluta vélarinnar sem þrep til að stíga upp á hana.

Klæðist aðskornum fatnaði. Forðist vinnufatnað með ólum, kögri eða öðrum

hlutum sem kunna að festast í vélinni.

Við meðhöndlun íðefna skal fara eftir öryggisupplýsingum frá viðkomandi

framleiðanda. Klæðast skal hlífðarbúnaði ef þörf krefur.

3.5 Upplýsingar um rekstraröryggi

Til að fyrirbyggja hættu má eingöngu nota þyrildreifarann fyrir steinefnaáburð

með þeim hætti að rekstraröryggi sé tryggt.

3.5.1 Þyrildreifarinn settur niður

Setja skal þyrildreifarann fyrir steinefnaáburð niður á slétt og stöðugt undirlag

með karið tómt.

Ef þyrildreifarinn er settur niður án dráttarvélar skal opna skömmtunaropið að

fullu (slakað er á bakfærslufjöðrinni og vatn sem borist hefur í karið rennur úr).

3.5.2 Fyllt á þyrildreifarann

Fyllið aldrei á þyrildreifara fyrir steinefnaáburð meðan dráttarvélin er í gangi.

Takið lykilinn úr svissinum á dráttarvélinni til að koma í veg fyrir að

óviðkomandi geti ræst vélina.

Notið viðeigandi hjálpartæki til að fylla á (t.d. hjólaskóflu eða snigil).

Ekki má fylla meira á þyrildreifarann en upp að brúnum hans. Athugið

áfyllinguna, t.d. í gluggunum á karinu (fer eftir gerð).

Þegar fyllt er á þyrildreifarann verður hlífðargrindin að vera lokuð. Þannig er

komið í veg fyrir truflanir vegna kekkja eða aðskotahluta við dreifingu.

Öryggi

9

3

3.5.3 Atriði sem þarf að skoða áður en vélin er tekin í notkun

Áður en þyrildreifari fyrir steinefnaáburð er tekinn í notkun sem og fyrir hverja

notkun eftir það skal ávallt ganga úr skugga um að rekstraröryggi hans sé tryggt.

Er allur hlífðarbúnaður á þyrildreifaranum á sínum stað og í lagi?

Er búið að festa allan festibúnað og allar burðartengingar tryggilega og eru

þessi atriði í lagi?

Eru dreifiskífur og festingar þeirra í lagi?

Hefur hlífðargrind á kari verið lokað og læst?

Er ekkert fólk á hættusvæðinu umhverfis þyrildreifarann?

Er drifskaftshlífin í lagi?

Er málið fyrir rétta læsingu hlífðargrinda á réttu bili? Sjá mynd 6.18.

Er öryggis- og hlífðarbúnaður skrúfaður fastur við grindina og karið og er hann

í lagi? Sjá mynd 6.19.

3.5.4 Vinnsla

Verði truflanir á virkni þyrildreifara fyrir steinefnaáburð skal undir eins stöðva

hann og ganga tryggilega frá honum. Látið sérþjálfaða starfsmenn gera við

bilunina án tafar.

Farið aldrei upp á þyrildreifarann þegar kveikt er á dreifibúnaðinum.

Aðeins skal nota þyrildreifarann með lokaðri hlífðargrind. Ekki má opna eða

fjarlægja hlífðargrindina meðan á vinnslu stendur.

Vélarhlutar sem snúast geta valdið alvarlegum slysum. Af þessum sökum

verður að gæta þess að líkamshlutar eða fatnaður fari aldrei nálægt hlutum

sem snúast.

Setjið enga aðskotahluti (t.d. skrúfur, bolta eða rær) í karið.

Efnið sem kastað er frá getur valdið alvarlegum áverkum (t.d. á augum). Af

þessum sökum skal gæta þess að ekkert fólk sé innan dreifingarsvæðis

þyrildreifarans.

Hætta verður dreifingu ef vindhraði er of mikill, því þá er ekki lengur hægt að

hafa stjórn á dreifingarsvæðinu.

Farið aldrei upp á þyrildreifarann fyrir steinefnaáburð eða dráttarvélina undir

háspennulínum.

Öryggi 3

10

3.6 Notkun áburðar

Ef áburðurinn er ekki af réttri gerð eða er ekki notaður á viðeigandi hátt getur það

leitt til alvarlegra slysa eða umhverfisspjalla.

Þegar áburður er valinn skal leita upplýsinga um áhrif hans á fólk, umhverfið

og vélina.

Fara skal eftir leiðbeiningum framleiðanda áburðarins.

3.7 Vökvakerfi

Mikill þrýstingur er á vökvakerfinu.

Vökvi sem sprautast út undir þrýstingi getur valdið alvarlegum meiðslum og

umhverfisspjöllum. Gæta skal að eftirfarandi atriðum til að fyrirbyggja hættu:

Farið aldrei yfir leyfðan hámarksvinnsluþrýsting.

Áður en hvers kyns viðhald fer fram skal hleypa öllum þrýstingi af

vökvakerfinu. Drepið á dráttarvélinni og komið í veg fyrir að hægt sé að setja

hana aftur í gang í ógáti.

Þegar leitað er að leka skal ávallt bera hlífðargleraugu og hlífðarhanska.

Ef glussi veldur áverkum skal umsvifalaust leita læknis þar sem slíkt getur

leitt til alvarlegra sýkinga.

Gætið þess að enginn þrýstingur sé á vökvakerfi dráttarvélarinnar og

þyrildreifarans þegar vökvaslöngur eru tengdar við dráttarvélina.

Tengið vökvaslöngur vökvakerfis dráttarvélarinnar og dreifarans eingöngu

með tengjum af þeirri gerð sem mælt er fyrir um.

Gætið þess að óhreinindi berist ekki inn í vökvakerfið. Látið aftengdar

vökvaslöngur ekki hanga niður að jörðu (sjá mynd 6.34). Notið rykhetturnar.

Hreinsið af tengjum áður en tengt er.

Athugið reglulega hvort íhlutir vökvakerfisins og vökvaslöngur hafa orðið fyrir

hnjaski, s.s. vegna skurða og núnings, álags, brota, sprungna, gata o.s.frv.

Jafnvel þótt geymsluskilyrði séu rétt og álag innan leyfilegra marka á sér alltaf

stað eðlilegt slit í slöngum og slöngutengjum. Af þessum sökum er geymslu-

og notkunartími þeirra takmarkaður.

Notkunartími slanga er að hámarki sex ár, að meðtöldum geymslutíma í að

hámarki tvö ár.

Framleiðslumánuður og -ár slöngu kemur fram á tengibúnaði hennar.

Ef vökvalagnir eru skemmdar eða slitnar skal skipta um þær.

Nýjar slöngur verða að uppfylla tæknikröfur framleiðanda. Einkum þarf að

gæta að mismunandi upplýsingum um leyfilegan hámarksþrýsting á

vökvalögnunum sem skipta á um.

Öryggi

11

3

3.8 Viðhald og viðgerðir

Þegar unnið er að viðhaldi og viðgerðum þarf að gera ráð fyrir frekari hættu sem

ekki er um að ræða við stjórnun vélarinnar.

Sýnið ávallt sérstaka aðgát þegar unnið er að viðhaldi og viðgerðum. Farið

sérstaklega gætilega og forðist hættu.

3.8.1 Hæfni starfsmanna sem annast viðhald

Aðeins faglærðum starfsmönnum er heimilt að vinna við suðu, í rafkerfinu og

í vökvakerfinu.

3.8.2 Slithlutir

Viðhald og viðgerðir skulu fara fram á nákvæmlega þeim tímum sem

tilgreindir eru í þessari notendahandbók.

Viðhald og viðgerðir á íhlutum frá birgjum skulu einnig fara fram á tilskildum

tímum. Upplýsingar um þetta er að finna í samsvarandi fylgiskjölum frá

birgjum.

Mælt er með því að ástand þyrildreifarans fyrir steinefnaáburð, einkum

festinga, plasthluta sem tengjast öryggi, vökvakerfis, skömmtunarbúnaðar og

dreifiugga sé kannað hjá söluaðila í lok hvers notkunartímabils.

Varahlutir skulu að lágmarki uppfylla tæknilegar kröfur framleiðanda. Það

gera til dæmis upprunalegir varahlutir.

Sjálflæsandi rær má aðeins nota einu sinni. Notið ávallt nýjar sjálflæsandi rær

til að festa vélarhluta (t.d. þegar skipt er um dreifiugga).

Öryggi 3

12

3.8.3 Viðhalds- og viðgerðavinna

Drepa skal á dráttarvélinni áður en þrif, viðhald eða viðgerðir fara fram. Bíðið

þar til allir hlutar vélarinnar sem hreyfast hafa stöðvast.

Sjáið til þess að enginn geti sett þyrildreifarann í gang í leyfisleysi. Takið

lykilinn úr svissinum á dráttarvélinni.

Gangið úr skugga um að dráttarvélinni með þyrildreifaranum sé lagt með

réttum hætti. Hún á að standa á sléttum og stöðugum fleti, tryggt á að vera að

hún renni ekki af stað og karið á að vera tómt.

Hleypið öllum þrýstingi af vökvakerfinu áður en viðhald eða viðgerðir fara

fram.

Takið strauminn af rafkerfinu áður en unnið er í því.

Ef vinna þarf með aflúttakið á hreyfingu má enginn vera nálægt aflúttakinu

eða drifskaftinu.

Þegar stíflur eru fjarlægðar úr karinu má ekki nota til þess hendur eða fætur,

heldur eingöngu viðeigandi verkfæri. Til að koma í veg fyrir stíflur skal

eingöngu fylla á karið með hlífðargrindina á.

Áður en þyrildreifarinn fyrir steinefnaáburð er þrifinn með vatni, háþrýstidælu

eða öðrum hreinsiefnum skal hylja alla þá hluta hans sem vökvi má ekki

berast í (t.d. sléttar legur, rafmagnsinnstungur, rafmagnsstjórntæki

(hreyfiliða)).

Athugið reglulega hvort rær, boltar og skrúfur eru vel hertar og herðið á

lausum tengingum.

3.9 Umferðaröryggi

Þegar ekið er á almennum vegum verður dráttarvélin með uppsetta

þyrildreifaranum fyrir steinefnaáburð að vera í samræmi við gildandi

umferðarreglur. Umráðamaður og ökumaður dráttarvélarinnar eru ábyrgir fyrir því

að þessum reglum sé fylgt.

Stránka sa načítava...

Rauch MDS 10.1 / 11.1 / 12.1 / 17.1 / 19.1 Návod na používanie

Rauch MDS 10.1 / 11.1 / 12.1 / 17.1 / 19.1 Návod na používanie

v iných jazykoch

Súvisiace články

Ostatné dokumenty