Progress PI3550X Používateľská príručka

Značka: Progress

Model: PI3550X

Kategória: Mixér / kuchynský robot príslušenstvo

Typ: Používateľská príručka

notendaleiðbeiningar

Uppþvottavél

PI 3550

EFNISYFIRLIT

Öryggisupplýsingar 2

Vörulýsing 3

Stjórnborð 4

Fyrsta notkun 5

Stillið vatnsmýkingarbúnað 6

Notkun uppþvottavélarsalts 7

Notkun skolunarlögs 7

Dagleg notkun 8

Röðun hnífapara og diska 9

Notkun þvottaefnis 11

Stilling fyrir samsetta þvottaefnistöflu 12

Velja og hefja þvottaferil 13

Að taka úr uppþvottavélinni 14

Þvottastillingar 15

Meðferð og þrif 16

Hvað skal gera ef... 17

Tæknilegar upplýsingar 18

Góð ráð fyrir prófunarstofnanir 19

Innsetning 20

Tenging við vatn 20

Tenging við rafmagn 21

Umhverfisábendingar 22

Með fyrirvara á breytingum

ÖRYGGISUPPLÝSINGAR

Lesið þessa notendahandbók vandlega

áður en heimilistækið er sett upp og

notað í fyrsta skipti, þar á meðal öll góð

ráð og aðvaranir, til að tryggja öryggi

og rétta notkun. Til að koma í veg fyrir

óþarfa mistök og slys er mikilvægt að

tryggja að allir sem nota heimilistækið

hafi kynnt sér notkun og öryggisatriði

þess. Geymið þessar leiðbeiningar og

tryggið að þær fylgi heimilistækinu ef

það er fært eða selt svo að allir notend-

ur þess geti kynnt sér notkun og

öryggisatriði þess til fullnustu.

Rétt notkun

• Þessi uppþvottavél er aðeins ætluð til

þvottar á heimilisborðbúnaði sem þvo má

í vél.

• Ekki setja nein leysiefni í uppþvottavélina.

Það gæti valdið sprengingu.

• Hnífa og aðra hluti með hvössum oddum

skal setja í hnífaparakörfuna þannig að

oddar þeirra vísi niður eða leggja þá flata í

efri grindina.

• Notið aðeins efni (uppþvottalög, salt og

gljáa) sem ætluð eru fyrir uppþvottavélar.

• Forðist að opna hurðina á meðan heimil-

istækið er í gangi því heit gufa gæti

sloppið út.

• Ekki taka neitt leirtau úr uppþvottavélinni

áður en þvottakerfið klárast.

• Eftir notkun skal taka heimilistækið úr

sambandi við rafmagn og skrúfa fyrir

vatnsinntakið.

• Aðeins löggildir viðgerðaraðilar mega

annast viðgerðir á þessari vöru og aðeins

má nota upprunalega varahluti frá fram-

leiðanda hennar.

• Reynið ekki undir neinum kringumstæð-

um að gera við vélina upp á eigin spýtur.

Ef óreyndir aðilar reyna að framkvæma

viðgerðir getur það valdið meiðslum eða

alvarlegri bilun. Hafið samband við þjón-

ustuaðila á staðnum. Farið alltaf fram á

að upprunalegir varahlutir frá framleið-

anda séu notaðir.

Almennt öryggi

• Einstaklingar (þar með talið börn) með

skerta líkamsskynjun eða andlega getu

eða skort á reynslu og þekkingu mega

ekki nota heimilistækið. Þeir verða að

hafa fengið kennslu eða tilsögn í notkun

heimilistækisins hjá einstaklingi sem er

ábyrgur fyrir öryggi þeirra.

• Þvottaefni fyrir uppþvottavélar geta valdið

efnabruna í augum, munni og hálsi. Það

getur verið lífshættulegt! Fylgið

öryggisleiðbeiningunum frá framleiðanda

uppþvottaefnisins.

• Vatnið í uppþvottavélinni er ekki ætlað til

drykkjar. Þvottaefnisleifar geta verið til

staðar í uppþvottavélinni,

• Gætið þess að hurðin á uppþvottavélinni

sé alltaf lokuð þegar ekki er verið að

hlaða hana eða taka úr henni. Þannig er

komið í veg fyrir að einhver detti um hurð-

ina og slasi sig.

• Ekki sitja eða standa á hurðinni þegar

hún er opin.

2 progress

Öryggi barna

• Þetta heimilistæki er hannað til að vera

notað af fullorðnum. Börn verða að vera

undir eftirliti til að tryggja að þau leiki sér

ekki að heimilistækinu.

• Haldið öllum umbúðum frá börnum.

Hætta er á köfnun.

• Geymið öll þvottaefni á öruggum stað þar

sem börn ná ekki til.

• Haldið börnum í öruggri fjarlægð frá upp-

þvottavélinni þegar hurðin er opin.

Innsetning

• Athugið hvort uppþvottavélin hafi

skemmst í flutningum. Aldrei skal tengja

vél sem hefur orðið fyrir skemmdum. Ef

uppþvottavélin er skemmd skal hafa

samband við söluaðilann.

• Allar umbúðir verður að fjarlægja fyrir not-

kun.

• Hvers kyns rafmagns- eða pípulagningar-

vinna sem þarf við uppsetningu þessa

heimilistækis skal framkvæmd af hæfum

aðila með öll tilskilin réttindi.

• Af öryggisástæðum er hættulegt að

breyta eiginleikum eða reyna að breyta

þessari vöru á nokkurn hátt.

• Aldrei nota uppþvottavélina ef rafmagns-

snúran og vatnsslöngurnar eru skemmd-

ar, eða ef stjórnborðið, vinnuborðið eða

undirstaðan eru skemmd þannig að opið

sé inn í innra byrði heimilistækisins. Hafið

samband við viðgerðaraðila á staðnum

áður en hætta skapast af vélinni.

• Aldrei má bora í hliðar uppþvottavélarinn-

ar því það gæti valdið skemmdum á vö-

kvadrifnum og rafdrifnum íhlutum hennar.

Ađvörun Þegar vélin er tengd við

vatn og rafmagn skal fylgja

vandlega leiðbeiningunum sem

gefnar eru í viðeigandi köflum í

þessari notendahandbók.

VÖRULÝSING

progress 3

1 Efri karfa

2 Vatnsherslustilling

3 Salthólf

4 Þvottaefnishólf

5 Gljáahólf

6 Tegundarspjald

7 Síur

8 Neðri vatnsarmur

9 Efri vatnsarmur

STJÓRNBORÐ

ABCDE

1. Kerfisvalhnappar

2. Tímavalshnappur

3. Gaumljós

4. Kveikja/slökkva-hnappurinn

5. Valhnappar

Valhnappar

Eftirfarandi er hægt að stilla með þessum

hnöppum:

• herslustig vatns,

• hætt við þvottakerfi eða tímaval sem er

þegar í gangi,

• kveikt/slökkt á stillingu fyrir samsetta

þvottaefnistöflu,

• kveikt/slökkt á gljáaskammtaranum.

4 progress

Gaumljós

Þvottur Kviknar þegar stillt hefur verið á þvottakerfið og

er á allan tímann á meðan þvottakerfið er í gangi.

Slökknar þegar þvottakerfið hefur klárast.

End Kviknar þegar þvottakerfi er lokið (enda-gaumlj-

ós). Jafnframt gegnir það hlutverk ljósmerkis til

að sýna:

– stillingu fyrir herslustig vatns,

– hvort er kveikt eða slökkt á gljáaskammtaran-

um,

– viðvörunarmerki vegna bilunar í vélinni.

Stilling fyrir samsetta þvottaefnistöflu Sýnir hvort er kveikt eða slökkt á ,,Stillingu fyrir

samsetta þvottaefnistöflu" (sjá ,,Stilling fyrir sam-

setta þvottaefnistöflu").

Salt

Kviknar þegar uppþvottavélasaltið hefur klárast

(uppþvottavélasalt er ekki notað á Íslandi).

Gljái

Kviknar þegar gljáinn hefur klárast.

1) Aldrei er kveikt á salt- og gljáaljósunum á meðan þvottakerfi er í gangi, jafnvel þó fylla þurfi á salt og/eða gljáa.

Núllstilling

Heimilistækið er á núllstillingu þegar

kveikt/slökkt-ljósið er kveikt og slökkt er á

öllum kerfisljósum.

Mikilvægt! Munið alltaf að þegar

eftirfarandi aðgerðir eru framkvæmdar:

• þvottakerfi eða tímaval er valið

• herslustig vatns er stillt

• og kveikt/slökkt á gljáaskömmtun

VERÐUR heimilistækið að vera á

núllstillingu.

Ef kveikt er á kerfisljósi er enn stillt á síð-

asta kerfið sem notað var eða valið.

Þá þarf að hætta við kerfið:

1. Haldið samtímis niðri valhnöppum B og

C þar til öll kerfisljós hafa slökknað.

2. Sleppið valhnöppum B og C.

Kerfi sem stillt er á eða kerfi sem er í

gangi er aflýst með því að

Halda samtímis niðri hætta við-hnöppunum

tveimur B og C þar til ljósin í öllum kerfis-

valhnöppunum slökkna. Nú er búið að af-

lýsa kerfinu og vélin er núllstillt.

FYRSTA NOTKUN

Áður en uppþvottavélin er notuð í fyrsta

sinn:

• Tryggið að tengingar við rafmagn og vatn

séu í samræmi við leiðbeiningar um upp-

setningu

• Fjarlægið allar umbúðir innan úr heimilis-

tækinu

• Stillið vatnsmýkingarbúnað (á ekki við á

Íslandi)

• Hellið 1 lítra af vatni í salthólfið og fyllið

það svo af uppþvottavélarsalti (á ekki við

á Íslandi)

• Settu gljáa í gljáahólfið

Ef þú vilt nota blandaðar þvottaefn-

istöflur eins og: '3 í 1', '4 í 1', '5 í 1'

o.s.frv. setjið vélina þá á stillingu

fyrir samsetta þvottaefnistöflu. (Sjá

„Stilling fyrir samsetta þvottaefnis-

töflu“).

progress 5

STILLIÐ VATNSMÝKINGARBÚNAÐ

Uppþvottavélin er útbúin vatnsmýkingartæki

sem sér um að fjarlægja steinefni og sölt úr

vatninu, en þau hafa slæm áhrif á starfsemi

heimilistækisins.

Því meira sem vatnið inniheldur af þessum

steinefnum og söltum, því harðara er vatnið.

Herslustig vatns er mælt með jafngildum

mælikvörðum, þýskum gráðum (°dH),

frönskum gráðum (°TH) og mmól/l (millimól í

lítra - alþjóðlegri mælieiningu fyrir herslustig

vatns).

Vatnsmýkingartækið á að stilla eftir því hver-

su hart vatnið er þar sem þú býrð. Vatns-

veitan á staðnum getur veitt þér upplýsingar

um hversu hart vatnið er þar sem þú býrð.

Vatnsmýkingartækið þarf að stilla á tvo

vegu: handvirkt með stilliskífu fyrir hers-

lustig vatns og rafrænt.

Herslustig vatns Stillingu herslustig vatns breytt Not-

kun

salts

°dH °TH mmól/l handvirkt rafrænt

51 - 70 91 - 125 9,1 - 12,5 2 stilling 10 já

43 - 50 76 - 90 7,6 - 9,0 2 stilling 9 já

37 - 42 65 - 75 6,5 - 7,5 2 stilling 8 já

29 - 36 51 - 64 5,1 - 6,4 2 stilling 7 já

23 - 28 40 - 50 4,0 - 5,0 2 stilling 6 já

19 - 22 33 - 39 3,3 - 3,9 2 stilling 5 já

15 - 18 26 - 32 2,6 - 3,2 1 stilling 4 já

11 - 14 19 - 25 1,9 - 2,5 1 stilling 3 já

4 - 10 7 - 18 0,7 - 1,8 1 stilling 2 já

< 4 < 7 < 0,7 1 stilling 1 nei

Handvirk stilling

Uppþvottavélin kemur á stillingu 2 úr

verksmiðjunni.

1. Opnið hurð uppþvottavélarinnar.

2. Fjarlægið neðri körfuna úr uppþvottav-

élinni.

3. Snúið stilliskífu fyrir herslustig vatns á

stillingu 1 eða 2 (sjá töflu).

4. Setjið neðri körfuna aftur í.

Rafræn stilling

Uppþvottavélin kemur á stillingu 5 úr

verksmiðjunni.

1. Ýtið á kveikja/slökkva-hnappinn. Upp-

þvottavélin verður að vera núllstillt.

2. Haldið samtímis niðri valhnöppunum B

og C þar til ljósin í valhnöppum A, B og

C fara að blikka.

3. Ýtið á valhnappinn A, þá slökkna ljósin í

valhnöppum B og C en ljósið í valh-

nappnum A blikkar áfram og um leið

byrjar gaumljósið End (enda-gaumljós-

ið) að blikka.

Núverandi stilling er sýnd með því hver-

su oft gaumljósið End blikkar.

Dæmi:

5 blikk, hlé, 5 blikk, hlé, o.s.frv. = stilling

6 blikk, hlé, 6 blikk, hlé, o.s.frv. = stilling

6 progress

4. Ýtið á valhnapp A til að breyta stilling-

unni. Í hvert sinn sem ýtt er á hnappinn

breytist stillingin. (Sjá upplýsingar um

val á nýrri stillingu í töflunni).

Dæmi: Ef núverandi stilling er 5, vel-

urðu stillingu 6 með því að ýta á valh-

napp A. Ef núverandi stilling er 10, vel-

urðu stillingu 1 með því að ýta einu sinni

á valhnapp A.

5. Til að vista aðgerðina í minninu skaltu

slökkva á uppþvottavélinni með því að

ýta á kveikja/slökkva-hnappinn.

NOTKUN UPPÞVOTTAVÉLARSALTS

Ađvörun

Notið aðeins salt sem er sérstaklega ætlað

til notkunar í uppþvottavélum. Allar aðrar

gerðir af salti sem ekki eru sérstaklega æt-

laðar til notkunar í uppþvottavélum, einkum

borðsalt, munu skemma vatnsmýkingar-

tækið. Ekki setja salt á vélina fyrr en rétt

áður en eitt af þvottakerfunum er sett í

gang. Það kemur í veg fyrir að saltkorn eða

saltvatn sem gætu hafa hellst niður sitji eftir

á botni uppþvottavélarinnar í of langan tíma,

en það gæti valdið tæringu.

Áfylling:

1. Opnið dyrnar, fjarlægið neðri körfuna og

skrúfið lokið af salthólfinu með því að

snúa því rangsælis.

2. Hellið 1 lítra af vatni í hólfið (þetta þarf

aðeins að gera áður en salt er fyllt á

í fyrsta sinn) .

3. Hellið saltinu í þar til hólfið er orðið fullt

með trektinni sem fylgir með.

4. Setjið lokið aftur á og gætið þess að

ekki séu neinar saltagnir á skrúfgangin-

um eða þéttingunni.

5. Skrúfið lokið þétt á aftur með því að

snúa því réttsælis þar til það stöðvast

með smelli.

Hafið ekki áhyggjur af því ef vatn flæðir

út fyrir hólfið þegar salt er fyllt á. Það er

eðlilegt.

Saltgaumljósið á stjórnborðinu get-

ur haldist kveikt í 2-6 tíma eftir að

salt hefur verið fyllt á ef kveikt er á

uppþvottavélinni. Ef þú notar salt

sem er lengur að leysast upp, getur

þetta tekið lengri tíma. Það hefur

ekki áhrif á virkni uppþvottavélar-

innar.

NOTKUN SKOLUNARLÖGS

Ađvörun Notið aðeins gljáa fyrir

uppþvottavélar.

Aldrei setja nein önnur efni í gljáahólfið

(t.d. hreinsiefni fyrir uppþvottavélar eða

þvottalög). Það myndi skemma heimil-

istækið.

progress 7

Gljái tryggir góða skolun og bletta- og

rákalausa þurrkun.

Gljáa er sjálfkrafa bætt við í síðustu

skolumferðinni.

1. Opnið hólfið með því að þrýsta á losun-

arhnappinn (A).

2. Hellið gljáanum í hólfið. Hæsta leyfilega

áfyllingarmagn er merkt með ,,max".

Skammtarinn tekur um 110 ml af gljáa

en það dugar fyrir á milli 16 og 40

þvotta, eftir því hvaða skammt er stillt á.

3. Gætið þess að lokið sé fest vel á eftir

hverja áfyllingu.

Ef gljái hefur hellst niður við áfyllinguna

skal þrífa hann upp með rakadrægum

klút til að ekki freyði of mikið í næsta

þvotti.

Stillið gljáaskammtinn eftir þvotta- og þurrk-

unarárangri með 6 stillinga kvarðanum (still-

ing 1= minnsti skammtur, stilling 6= mesti

skammtur).

Uppþvottavélin kemur á stillingu 4 úr verk-

smiðjunni.

Aukið skammtinn ef vatnsdropar eða kalk-

blettir eru á leirtauinu eftir þvott.

Minnkið hann ef það eru klístrugar hvítar

rákir á diskunum eða bláleit filma á gleri eða

hnífsblöðum.

DAGLEG NOTKUN

• Athugið hvort fylla þarf á uppþvottavélar-

salt eða gljáa.

• Setjið hnífapör og diska í uppþvottavélina.

• Setjið uppþvottaefnið í.

• Veljið þvottakerfi sem hentar fyrir hnífap-

örin og diskana.

• Setjið þvottakerfið í gang.

Góð ráð

Svampa, tuskur og aðra hluti sem sjúga í

sig vatn má ekki þvo í uppþvottavélinni.

• Áður en leirtau er sett í vélina skal:

– Fjarlægja allar matarleifar og rusl.

– Mýkja leifar af brenndum mat í pottum

og pönnum

8 progress

• Þegar diskum og hnífapörum er raðað í

vélina skal gæta þess að:

– Diskar og hnífapör hindri ekki snúning

vatnsarmanna.

– Raðið hlutum sem eru holir að innan

eins og bollum, glösum, pottum o.s.frv.

þannig að opið vísi niður svo að vatn

geti ekki safnast í ílátið eða djúpan

botninn.

– Diskar og hnífapör mega ekki liggja

hvert inni í öðru eða hylja hvert annað.

– Til að forðast skemmdir á glösum

mega þau ekki snertast.

– Leggið smáa hluti í hnífaparakörfuna.

• Vatnsdropar sitja oft eftir á plasthlutum

og viðloðunarfríum pottum, fötum eða

pönnum; slíkir hlutir þorna ekki eins vel

og postulín og stálhlutir.

• Létta hluti (plastskálar o.s.frv.) þarf að

setja í efri grindina og raða þannig að þeir

færist ekki til.

Eftirfarandi hnífapör og diska má

ekki þvo í uppþvottavélinni: aðeins stundum þvo í uppþvottavélinni:

• Hnífapör með tré-, postulíns-, eða perlumóð-

urhandföngum og handföngum úr dýrahorni.

• Plasthlutir sem ekki eru hitaþolnir.

• Gömul hnífapör gerð úr samanlímdum hlutum

eru ekki hitaþolin.

• Límd hnífapör eða diskar.

• Pjátur- eða koparhlutir.

•Blýgler.

• Stálhlutir sem hættir til að ryðga.

•Tréföt.

• Hlutir úr gervitrefjum.

• Leirmuni má aðeins þvo í uppþvottavélinni ef á

þeim er sérstakt merki frá framleiðandanum

um að þvo megi þá í uppþvottavél.

• Mynstur úr glerungi geta dofnað við endurtek-

inn þvott í uppþvottavél.

• Silfur- og álhlutum hættir til að aflitast í þvotti:

Matarleifar, t.d. eggjahvíta, eggjarauða og

sinnep aflita oft silfur og skilja eftir bletti á því.

Því skal alltaf þrífa matarafganga strax af silfri

ef ekki á að þvo það strax eftir notkun.

RÖÐUN HNÍFAPARA OG DISKA

Neðri karfan

Neðri karfan er til þess að raða í pottum,

lokum, diskum, salatskálum, hnífapörum

o.s.frv.

Fötum og stórum lokum á að raða í jaðar

körfunnar en gæta þess jafnframt að vatns-

armarnir geti hreyfst óhindrað.

Diskaraðirnar í neðri körfunni er hægt að

fella niður og þá er hægt að raða þar pott-

um, pönnum og skálum.

progress 9

Hnífaparakarfan

Ef hnífar með löngum blöðum eru

geymdir í uppréttri stöðu getur það

skapað hættu. Löng og/eða oddhvöss

áhöld eins og skurðarhnífa verður að

leggja lárétt í efri körfuna. Farið

gætilega við að raða í eða taka úr

vélinni oddhvassa hluti eins og hnífa.

Göfflum og skeiðum á að raða í lausu hníf-

aparakörfuna þannig að handföngin vísi nið-

ur og hnífum þannig að handföngin vísi upp.

Blandið skeiðum saman við önnur hnífapör

svo að þær festist ekki saman.

Við mælum með því að nota hnífaparagrind-

ina sem fylgir (ef hnífapörin passa í hana).

Efri karfa

Efri karfan er ætluð fyrir diska (kökudiska,

undirskálar, matardiska allt að 24 sm að

þvermáli), salatskálar, bolla og glös.

Raðið hlutum á og undir bollarekkana svo

að vatn komist að öllu yfirborði þeirra.

Forðist að setja diska í fyrstu þrjár grópirnar

fremst í körfunni. Passið að diskarnir halli

fram.

Glös á háum fæti má setja í bollarekkana

með fæturna vísandi upp.

Ef um hærri hluti er að ræða eru bollarekk-

arnir felldir upp.

Áður en dyrunum er lokað skal tryggja

að vatnsarmarnir geti snúist óhindrað.

10 progress

Hæð efri körfu stillt

Þegar þvo á mjög stóra diska er hægt að

raða þeim í neðri körfuna eftir að efri karfan

hefur verið færð í efri stöðuna.

Hámarkshæð leirtaus í neðri körfunni

Með efri körfu uppi 33 sm

Með efri körfu niðri 29 sm

Svona er karfan færð í efri stöðuna:

1. Dragið körfuna út þar til hún stoppar.

2. Lyftið henni varlega báðum megin þar til

búnaðurinn smellur fastur og karfan er

stöðug.

Svona er karfan lækkuð aftur niður í

upphaflega stöðu:

1. Dragið körfuna út þar til hún stoppar.

2. Lyftu henni varlega báðum megin, haltu

um hana og láttu hana síga rólega aftur

niður.

Ekki lyfta eða láta körfuna bara síga

öðrum megin

Þegar karfan er í efri stöðunni er ekki

hægt að nota bollarekkana.

Eftir að hlaðið er í vélina skal alltaf

loka hurðinni, þar sem opin hurð

getur hættuleg.

NOTKUN ÞVOTTAEFNIS

Notið aðeins uppþvottaefni sem er sér-

staklega ætlað til notkunar í uppþvott-

avélum.

Fara skal eftir leiðbeiningum framleið-

anda um skammtastærð og geymslu

sem koma fram á umbúðum uppþvott-

aefnisins.

Draga má úr mengun með því að nota

ekki meira af þvottaefni en nauðsynlegt

er.

Setjið uppþvottaefni í þvottaefnishólfið

1. Opnið lokið.

progress 11

2. Setjið uppþvottaefni í þvottaefnishólfið

(1). Merkingarnar sýna skammtastær-

ðirnar:

20 = um það bil 20 g af uppþvottaefni

30 = um það bil 30 g af uppþvottaefni.

3. Öll kerfi með forþvotti þurfa aukalegan

skammt af uppþvottaefni (5/10 g) sem

setja þarf í forþvottarhólfið (2).

Sá þvottaefnisskammtur verður notaður

í forþvottinum.

Ef þvottaefnistöflur eru notaðar, er tafl-

an sett í hólf (1)

4. Setjið lokið aftur á og ýtið á það þar til

það læsist.

Þvottaefnistöflur frá ólíkum framleiðend-

um eru mislengi að leysast upp. Þar af

leiðandi ná sumar þvottaefnistöflur ekki

að þrífa eins vel og þær ættu að gera í

stuttum þvottakerfum. Því skal nota

löng þvottakerfi þegar þvottaefnistöflur

eru notaðar til að tryggja að þvottaefnið

skolist alveg af.

Notkun samsettra þvottaefnistaflna

Þær innihalda þvottaefni sem hafa hreinsun-

ar- skolunar- og saltvirkni. Þær innihalda

einnig önnur efni sem fara eftir tegundum

taflna ('3 í 1', '4 í 1', '5 í 1' o.s.frv.).

1. Athugaðu hvort þessi þvottaefni henta

þínu herslustigi vatns. Sjá leiðbeiningar

framleiðanda.

Ekki er lengur þörf á að fylla á salthólfið

og gljáahólfið. Þá er alltaf kveikt á

gljáagaumljósinu þegar kveikt er á vél-

inni.

2. Veljið lægstu stillingu fyrir herslustig

vatns og skammtastærð gljáa.

Ef vélin þurrkar ekki nógu vel skaltu

prófa að:

1. Setja gljáa í gljáahólfið.

2. Stilla skammtastærð gljáa á 2.

Ef þú vilt stilla aftur á venjulegt

þvottaefniskerfi mælum við með því að:

1. Fylla aftur á salt- og gljáahólfin.

2. Breyta stillingu á herslustigi vatns á

hæstu stillingu og keyra 1 venjulegt

þvottakerfi með vélina tóma.

3. Breyta stillingu á herslustigi vatns í sam-

ræmi við herslustig vatnsins á þínu

svæði.

4. Aðlaga gljáaskammtinn.

STILLING FYRIR SAMSETTA ÞVOTTAEFNISTÖFLU

Þetta heimilistæki býður upp á ,,stillingu fyrir

samsetta þvottaefnistöflu" sem leyfir notkun

samsettra (Multitab) þvottaefnistaflna.

Þær innihalda þvottaefni sem hafa hreinsun-

ar- skolunar- og saltvirkni. Þær innihalda

einnig önnur efni sem fara eftir tegundum

taflna ("3 í 1", "4 í 1", "5 í 1" o.s.frv. ...).

Athugaðu hvort þessi þvottaefni henta þínu

herslustigi vatns. Sjá leiðbeiningar framleið-

anda.

Þegar þessi stilling hefur verið valin er hún

áfram virk fyrir öll þvottakerfi sem á eftir

koma.

Þegar þetta aukaval er valið slökknar sjálf-

krafa á innflæði gljáa og salts úr viðeigandi

12 progress

hólfum og jafnframt er slökkt á gaumljósum

salts og gljáa.

Þegar stillt á ,,samsetta þvottaefnistöflu"

getur lengd þvottakerfa breyst.

Kveiktu/slökktu á stillingu fyrir samsetta

þvottaefnistöflu áður en þvottakerfið fer

í gang.

EKKI er hægt að breyta ,,stillingu fyrir

samsetta þvottaefnistöflu" eftir að

þvottakerfið er farið í gang. Ef þú vilt

slökkva á ,,stillingu fyrir samsetta þvott-

aefnistöflu" þarftu að hætta við þvotta-

kerfið sem stillt er á og gera stillingu fyr-

ir samsetta þvottaefnistöflu óvirka. Þá

þarftu að stilla aftur á þvottakerfi (og

valkosti sem óskað er eftir).

Kveikt/slökkt á stillingu fyrir samsetta

þvottaefnistöflu

Haltu samtímis niðri hnöppunum tveimur

fyrir stillingu með samsettri þvottaefnistöflu

(valhnöppum D og E) þar til gaumljós still-

ingar samsettrar þvottaefnistöflu kviknar.

Það þýðir að kveikt er á aukavalinu.

Til að taka aukavalið af ýtirðu aftur á sömu

hnappa þar til gaumljósið við stillingu sam-

settrar þvottaefnistöflu slökknar.

Ef vélin þurrkar ekki nógu vel skaltu

prófa að:

1. Setja gljáa í gljáahólfið.

2. Gera gljáaskammtarann virkan.

3. Stilla skammtastærð gljáa á 2.

• Aðeins er hægt að kveikja/slökkva á

gljáaskammtaranum þegar kveikt er

á stillingu fyrir samsetta þvottaefnis-

töflu.

Kveikt/slökkt á gljáaskammtaranum

1. Ýtið á kveikja/slökkva-hnappinn. Upp-

þvottavélin verður að vera núllstillt.

2. Haldið samtímis niðri valhnöppunum B

og C þar til ljósin í valhnöppum A, B og

C fara að blikka.

3. Ýtið á valhnappinn B, þá slökkna ljósin í

valhnöppum A og C en ljósið í valh-

nappi B blikkar áfram.

4. Til að kveikja á gljáaskammtaranum

ýtirðu aftur á valhnapp B, þá kviknar

gaumljósið End (enda-gaumljósið) sem

sýnir að kveikt er á gljáaskammtaran-

um.

5. Til að vista aðgerðina í minninu skaltu

slökkva á uppþvottavélinni með því að

ýta á kveikja/slökkva-hnappinn.

6. Til að slökkva aftur á gljáaskammtaran-

um fylgirðu leiðbeiningunum hér á und-

an þar til gaumljósið End (enda-gaumlj-

ósið) slökknar.

Ef þú vilt stilla aftur á venjulegt

þvottaefniskerfi mælum við með því

að:

1. Slökkva á stillingu fyrir samsetta

þvottaefnistöflu.

2. Fylla aftur á salthólfið og gljáask-

ammtarann.

3. Breyta stillingu á herslustigi vatns á

hæstu stillingu og keyra 1 venjulegt

þvottakerfi með vélina tóma.

4. Breyta stillingu á herslustigi vatns í

samræmi við herslustig vatnsins á

þínu svæði.

5. Aðlaga gljáaskammtinn.

VELJA OG HEFJA ÞVOTTAFERIL

Veljið þvottakerfi með hurðina að-

eins opna. Þvottakerfið fer ekki í

gang fyrr en hurðinni er lokað.

Fram að því er hægt að breyta still-

ingunni

1. Gætið þess að rétt sé raðað í körfurnar

og vatnsarmarnir geti snúist óhindrað.

2. Gætið þess að skrúfað sé frá vatns-

krananum.

3. Ýtið á kveikja/slökkva-hnappinn. Upp-

þvottavélin verður að vera núllstillt.

4. Ýtið á hnappinn sem svarar til kerfisins

sem þú vilt stilla á (sjá töfluna ,,Þvott-

astillingar").

Þegar kerfi hefur verið valið kviknar

samsvarandi ljós.

Stigsgaumljósin fyrir kerfið sem stillt

hefur verið á byrja að blikka.

Lokið hurð heimilistækisins, kerfið fer

þá sjálfkrafa í gang.

Þegar kerfið fer í gang slökkna stigs-

gaumljósin, fyrir utan gaumljós þvottast-

igsins sem er í gangi, sem er kveikt

áfram án þess að blikka.

progress 13

Kerfi stillt og sett í gang með tímavali

1. Eftir að búið er að stilla á þvottakerfið,

ýtið á tímavalshnappinn þar til gaumlj-

ósið, sem samsvarar klukkustundunum

sem valdar voru, blikkar (3 klst, 6 klst

eða 9 klst).

2. Lokið dyrum uppþvottavélarinnar, nið-

urtalningin hefst þá sjálfkrafa.

3. Niðurtalningin fer fram í 3 klst. skrefum.

4. Ef hurðin eru opnuð truflar það niðurtal-

ninguna. Lokið hurðinni, kerfið mun fara

í gang frá þeim punkti sem það var

stöðvað á.

5. Þegar seinkunartíminn er liðinn fer kerfið

sjálfkrafa í gang.

Þegar niðurtalning tímavalsins er liðin

fer þvottakerfið sjálfkrafa í gang.

Val á þvottakerfi og tímavali getur einnig

farið fram með hurðina lokaða.

Þegar þú ýtir á hnappinn fyrir þvotta-

kerfið hefurðu AÐEINS 3 sekúndur til

að velja annað þvottakerfi eða tímaval.

Að þessum 3 sekúndum liðnum fer

valda þvottakerfið sjálfkrafa í gang.

Ađvörun EKKI stöðva eða aflýsa

þvottakerfi sem er í gangi nema það sé

alveg nauðsynlegt.

Athugið! Heit gufa getur streymt út

þegar hurðin er opnuð. Opnið hurðina

varlega.

Hætt við tímaval eða þvottakerfi sem er

þegar í gangi

• Halda samtímis niðri valhnöppunum

tveimur B og C þar til ljósin slökkna í öll-

um kerfisvalhnöppunum.

• Aflýsing á tímavali felur jafnframt í sér að

þvottakerfinu sem stillt er á er aflýst. Þá

þarftu að velja þvottakerfið aftur.

• Ef velja á nýtt þvottakerfi skal athuga

hvort þvottaefni sé í þvottaefnishólfinu.

Þvottakerfi sem er í gangi stöðvað

• Opnið hurð uppþvottavélarinnar, þá

stöðvast kerfið. Lokið hurðinni, kerfið mun

fara í gang frá þeim punkti sem það var

stöðvað á.

• Ýtið á kveikt/slökkt-hnappinn og við það

slökkna öll ljós. Ýtið aftur á kveikja/slök-

kva-hnappinn, kerfið mun fara í gang frá

þeim punkti sem það var stöðvað á.

Lok þvottakerfis

• Uppþvottavélin stöðvast sjálfkrafa.

• Gaumljósið End (enda-gaumljósið) er

kveikt.

• Ljós kerfisins sem var að ljúka helst

kveikt.

1. Slökkvið á uppþvottavélinni með því að

ýta á kveikja/slökkva-hnappinn.

2. Opnið hurð uppþvottavélarinnar og haf-

ið hana hálfopna í nokkrar mínútur áður

en leirtauið er fjarlægt, þá verður það

ekki eins heitt og nær að þorna betur.

AÐ TAKA ÚR UPPÞVOTTAVÉLINNI

• Heitt leirtau er viðkvæmt fyrir hnjaski.

Leirtau ætti því að fá að kólna niður áður

en það er tekið úr heimilistækinu.

• Tæmið neðri körfun fyrst og svo þá efri,

þannig lekur vatn ekki ofan úr efri körfunni

niður á leirtauið í þeirri neðri.

• Vatn getur myndast á hliðum og hurð

uppþvottavélarinnar við það að ryðfría

stálið verður að lokum kaldara en leirtau-

ið.

Þegar þvottakerfi lýkur er mælt

með því að uppþvottavélin sé tekin

úr sambandi og skrúfað fyrir vatns-

kranann.

14 progress

ÞVOTTASTILLINGAR

Kerfi

Óhrein-

indastig

Gerð hluta Lýsing á kerfi

70°

Mikil óhrein-

indi

Borðbúnaður,

áhöld, pottar

og pönnur

Forþvottur

Aðalþvottur að 70°C

2 milliskolanir

Lokaskolun

Þurrkun

65°

Venjuleg

óhreinindi

Borðbúnaður,

áhöld, pottar

og pönnur

Forþvottur

Aðalþvottur að 65°C

1 milliskolun

Lokaskolun

Þurrkun

30 mín

Venjulegt

eða lágt

óhreininda-

stig

Borðbúnaður

og hnífapör

Aðalþvottur að 60°C

Lokaskolun

50°

Venjuleg

óhreinindi

Borðbúnaður

og hnífapör

Forþvottur

Aðalþvottur að 50°C

1 milliskolun

Lokaskolun

Þurrkun

45°

Venjuleg

óhreinindi

Viðkvæmur

borðbúnaður

og glerhlutir

Aðalþvottur að 45°C

1 milliskolun

Lokaskolun

Þurrkun

1) Hentar vel til þvottar með hálfhlaðna uppþvottavél. Þetta er fullkomið kerfi fyrir daglegan þvott, hannað til þess að

sinna þörfum 4 manna fjölskyldu sem þarf aðeins að þvo morgunverðar- og kvöldverðarborðbúnað og hnífapör.

2) Prófunarkerfi fyrir prófunarstofnanir

Upplýsingar um orkunotkun

Kerfi Lengd þvottakerfis

(í mínútum)

Orkunotkun

(í kílóvattstundum)

Vatnsnotkun

(í lítrum)

70°

80 - 90 1,6- 1,8 22 - 24

65°

90 - 100 1,4 - 1,6 18 - 20

30 mín

30 0,9 9

50°

150 - 160 1,0 - 1,1 14 - 16

45°

60 - 70 0,8 - 0,9 14 - 15

1) Prófunarkerfi fyrir prófunarstofnanir

Tölur yfir orkunotkun eru ætlaðar til við-

miðunar og fara eftir þrýstingi og hita-

stigi, breytileika orkugjafans og magni

leirtaus í vél.

progress 15

MEÐFERÐ OG ÞRIF

Hreinsun á síum

Skoða þarf og hreinsa síurnar af og til.

Óhreinar síur spilla þvottaárangri.

Ađvörun Áður en síurnar eru

hreinsaðar þarf að ganga úr skugga um

að slökkt sé á vélinni.

1. Opnið dyrnar og fjarlægið neðri körfuna.

2. Síunarbúnaður uppþvottavélarinnar

samanstendur af grófri síu ( A), fíngerðri

síu ( B) og flatri síu. Takið læsinguna af

síunarbúnaðinum með handfanginu á

fíngerðu síunni.

3. Snúið

hand-

fanginu

um það

bil 1/4

af hring

rangs-

ælis og

takið

síunar-

búnað-

inn út

4. Grípið grófu síuna ( A) með því að taka í

handfangið með gatinu í og fjarlægið

hana úr fíngerðu síunni ( B).

5. Hreinsið síurnar vel undir rennandi vatni.

6. Fjarlægið flötu síuna úr botni þvottahólf-

sins og hreinsið báðar hliðar vandlega.

7. Setjið flötu síuna aftur á sinn stað á

botni þvottahólfsins og gætið þess að

hún liggi rétt undir höldunum tveimur

(C).

8. Setjið grófu síuna ( A) inn í fíngerðu sí-

una ( B) og þrýstið þeim saman.

9. Setjið síurnar aftur á sinn stað og setjið

læsinguna á með því að snúa hand-

fanginu réttsælis að stopparanum. Í

þessu ferli skal gæta þess að flata sían

skagi ekki upp fyrir botn þvottahólfsins.

ALDREI nota uppþvottavélina án sí-

anna. Röng endurísetning síanna

mun skila lélegum þvotti og getur

valdið skemmdum á heimilistæk-

inu.

ALDREI reyna að fjarlægja vatnsar-

mana.

Ef óhreinindaagnir hafa stíflað götin á

vatnsörmunum skal fjarlægja óhreinind-

in með kokteilpinna.

Þrif á ytra byrði

Þrífið ytra byrði vélarinnar og stjórnborðið

með rökum, mjúkum klút. Notið mildan

uppþvottalög ef nauðsyn krefur. Aldrei má

16 progress

nota efni sem rispa eða æta, stálull eða

leysiefni (asetón, þríklóretýlen o.s.frv. ...).

Þrif á innra byrði

Þrífa þarf reglulega þéttingar í kringum hurð-

ina og þvottaefnis- og gljáahólfið með rök-

um klút.

Við mælum með að keyra þvottakerfið fyrir

mjög óhreint leirtau á 3 mánaða fresti, með

þvottaefni í tómri vél.

Þegar langt hlé er gert á notkun

vélarinnar

Ef þú ætlar ekki að nota vélina í langan tíma

ráðleggjum við þér að:

1. Slökkva á vélinni og skrúfa svo fyrir

vatnið.

2. Skilja hurðina eftir opna til að koma í

veg fyrir vonda lykt.

3. Skilja innra byrði vélarinnar eftir hreint.

Frostvarnir

Forðist að geyma vélina á stað þar sem hit-

astigið er undir 0°C. Ef ekki verður hjá því

komist skal tæma vélina, loka hurðina, af-

tengja innslönguna (vatnsinntakið) og tæma

hana.

Vélin flutt

Ef hreyfa þarf vélina (vegna húsflutninga

o.s.frv. ...):

1. Takið hana úr sambandi.

2. Skrúfið fyrir vatnskranann.

3. Takið inn- og útslöngurnar úr.

4. Togið vélina út ásamt slöngunum.

Forðist að halla vélinni of mikið á meðan

flutningi stendur.

HVAÐ SKAL GERA EF...

Uppþvottavélin fer ekki í gang eða stöðvast

skyndilega.

Sum vandamál má rekja til skorts á grund-

vallarviðhaldi eða yfirsjóna og hægt er að

leysa þau með leiðbeiningunum sem gefnar

eru í töflunni, án þess að kalla þurfi til við-

gerðarmann.

Slökkvið á uppþvottavélinni, opnið hurðina

og beitið eftirfarandi aðgerðum til úrbóta.

Villumeldingar og bilun Möguleg orsök og lausn

• ljósið fyrir kerfið sem er í gangi blikkar stöðugt

•Gaumljósið End (enda-gaumljósið) blikkar 1

sinni

Uppþvottavélin fyllist ekki af vatni

• Vatnskraninn er stíflaður eða þakinn kalkskán

að innan.

Hreinsið vatnskranann.

• Skrúfað er fyrir vatnskranann.

Skrúfið frá vatnskrananum.

• Sían (ef til staðar) á innslöngunni er stífluð.

Hreinsið síuna.

• Innslangan var ekki rétt lögð eða er beygð eða

klemmd.

Skoðið tenginguna við innslönguna.

• ljósið fyrir kerfið sem er í gangi blikkar stöðugt

•Gaumljósið End (enda-gaumljósið) blikkar 2

sinnum

Uppþvottavélin tæmist ekki

• Vaskstúturinn er stíflaður.

Þrífið vaskstútinn.

• Útslangan var ekki rétt lögð eða er beygð eða

klemmd.

Athugið tengingu á útslöngu.

• ljósið fyrir kerfið sem er í gangi blikkar stöðugt

•Gaumljósið End (enda-gaumljósið) blikkar 3

sinnum

Lekavörnin er virk

• Skrúfið fyrir vatnskranann og hafið samband

við þjónustuaðila á staðnum.

progress 17

Bilun Möguleg orsök og lausn

Kerfið fer ekki í gang • Hurð uppþvottavélarinnar er ekki alveg lokuð.

Lokið hurðinni.

• Aðaltappinn er ekki í.

Setjið aðaltappann í

• Öryggið hefur farið í rafmagnstöflu íbúðarinnar.

Skiptið um öryggi.

• Tímaval hefur verið valið.

Ef hefja á þvott strax, aflýsið þá tímavali.

Þegar búið er að gera þessar athuganir

skaltu kveikja á heimilistækinu.

Kerfið mun fara í gang frá þeim punkti sem

það var stöðvað á.

Ef bilunin eða bilanameldingin kemur upp

aftur skal hafa samband við þjónustuaðila á

staðnum.

Til að fá upplýsingar um aðrar bilanameld-

ingar sem ekki eru gefnar upp í töflunni hér

að ofan, skaltu hafa samband við þjónust-

uaðila á staðnum.

Hafið samband við þjónustuaðila á staðn-

um, og gefið upp tegundina (Mod.), vörun-

úmerið (PNC) og raðnúmerið (S.N.).

Þær upplýsingar er að finna á tegundarsp-

jaldinu á hlið hurðar uppþvottavélarinnar.

Við mælum með að þú skráir hjá þér þessi

númer til þess að þau séu alltaf tiltæk:

Tegundarnúmer

(Mod.) : . . . . . . . . . . . . . . . . . . . . . . . . . . . .

. .

Vörunúmer

(PNC) : . . . . . . . . . . . . . . . . . . . . . . . . . . . .

. .

Raðnúmer

(S.N.) : . . . . . . . . . . . . . . . . . . . . . . . . . . . .

. .

Vélin þvær ekki nógu vel

Leirtauið er ekki

hreint

• Rangt þvottakerfi hefur verið valið.

• Leirtauinu er raðað þannig að vatn kemst ekki að öllu yfirborði þess. Ekki

má ofhlaða körfurnar.

• Vatnsarmarnir snúast ekki óhindrað vegna þess að leirtaui er rangt raðað.

• Síurnar í botni þvottahólfsins eru óhreinar eða rangt settar í.

• Of lítið eða ekkert þvottaefni var notað.

• Ef kalkleifar eru á leirtauinu er salthólfið tómt eða vatnsmýkingartækið er

stillt á rangt herslustig vatns.

• Tenging á útslöngu er röng.

• Lokið á salthólfinu er ekki vel lokað.

Diskarnir eru blaut-

ir og mattir

• Gljái var ekki notaður.

• Gljáahólfið er tómt.

Rákir, mjólkurlitaðir

blettir eða bláleit

filma er á glösum

og diskum

• Minnkið gljáaskammtinn.

Vatnsdropar hafa

þornað á glösum

og diskum

• Aukið gljáaskammtinn.

• Þvottaefninu getur verið um að kenna. Hafið samband við þjónustusíma

þvottaefnisframleiðandans.

Ef vandamálið er enn til staðar eftir allar pró-

fanir, hafið þá samband við þjónustuaðila á

staðnum.

TÆKNILEGAR UPPLÝSINGAR

Mál Breidd

Hæð

Dýpt

59,6 sm

81,8 - 87,8 sm

57,5 sm

18 progress

Raftenging - Rafspenna - Afl -

Öryggi

Upplýsingar um tengingu við rafmagn að finna á tegundarspjald-

inu innan á umgjörð hurðar uppþvottavélarinnar.

Vatnsþrýstingur Lágmark

Hámark

0,5 bör (0.05 MPa)

8 bör (0.8 MPa)

Afkastageta 12 matarstell

Þyngd 39,5 sm

GÓÐ RÁÐ FYRIR PRÓFUNARSTOFNANIR

Prófanir samkvæmt reglugerðinni EN 60704

þarf að framkvæma með vélina fullhlaðna

og nota prófunarkerfið (sjá „Þvottastilling-

ar“).

Áður en prófun er framkvæmd samkvæmt

reglugerðinni EN 50242 þarf að fylla salt-

hólfið af salti, gljáahólfið af gljáa og nota

verður prófunarkerfið (sjá „Þvottastillingar“).

Fullhlaðin vél: Venjulegt matarstell fyrir 12 manns

Magn þvottaefnis sem þarf: 5 g + 25 g (Gerð B)

Gljáastilling stilling 4 (Gerð III)

Stillingar efri körfu

Bollarekkar: staða A

Stillingar neðri körfu

Stillingar hnífaparakörfu

progress 19

INNSETNING

Ađvörun Hvers kyns rafmagns- og/

eða pípulagningavinna sem þarf við

uppsetningu þessa heimilistækis

skal framkvæmd af rafvirkja og/eða

pípulagningamanni með viðeigandi

réttindi eða öðrum aðila sem hæfur

er til verksins.

Fjarlægið allar umbúðir áður en vélinni er

komið fyrir.

Komið vélinni fyrir hjá vatnskrana og niður-

falli ef hægt er.

Þessi uppþvottavél er gerð til þess að

standa undir eldhúsbekk eða vinnuborði.

Athugið! Fylgið vandlega leiðbeiningunum í

meðfylgjandi sniðmáti til þess að byggja

uppþvottavélina inn í innréttingu og festa

þilið á.

Engin frekari útræstiop þarf fyrir uppþvott-

avélina, aðeins þarf að vera pláss fyrir inn-

og útslönguna og rafmagnssnúruna.

Uppþvottavélin er með stillanlega fætur til

að hægt sé að stilla hæðina.

Fyrir hvers kyns vinnu þar sem þarf að kom-

ast að innri íhlutum uppþvottavélarinnar þarf

að taka uppþvottavélina úr sambandi.

Þegar vélinni er komið fyrir skal þess gætt

að inn- og útslangan og rafmagnssnúran

séu hvorki beyglaðar né klemmdar.

Vélin fest við einingarnar í kring

Uppþvottavélina þarf að festa tryggilega við

flísar.

Þess vegna þarf að gæta þess að borðflöt-

urinn sem hún er fest undir sé tryggilega fe-

stur við einhvern fastan hlut (aðliggjandi

skápa eldhúsinnréttingar, vegg).

Hallastilling

Vélin verður að vera rétt hallastillt svo að

hurðin lokist rétt og falli þétt að stöfum.

Þegar heimilistækið er rétt hallastillt rekst

hurðin ekki í hliðar eldhúsinnréttingarinnar.

Ef dyrnar lokast ekki rétt, losaðu þá eða

hertu stillanlegu fæturna þar til vélin er al-

gerlega lárétt.

TENGING VIÐ VATN

Tenging á vatnsinngangi

Hægt er að tengja heimilistækið við annað

hvort heitt (hám. 60°) eða kalt vatn.

Ef þú notar heitt vatn getur þú minnkað

orkunotkun vélarinnar talsvert. Þetta fer hins

vegar eftir hvernig heita vatnið er hitað. (Við

mælum með orkugjöfum sem eru vistvænir

eins og t.d. sólar- eða ljósspennuplötur

("sólarrafhlöður") og vindorka).

Tengt er með tengirónni sem er fest við inn-

slöngu vélarinnar og er gerð til að skrúfast

inn í 3/4" rörasnittisstút eða sérstakan hrað-

tengikrana eins og "Press-block".

Vatnsþrýstingurinn þarf að vera innan þeirra

marka sem gefin eru í "Tæknilegar upplýs-

ingar". Vatnsyfirvöld á staðnum geta ráðlagt

þér um meðalþrýsting vatnslagna á þínu

svæði.

Innslanga vatns má ekki vera beygluð,

klemmd eða flækt þegar hún er tengd.

Á vélinni eru inn- og útslöngur sem hægt er

að snúa annað hvort til vinstri eða hægri eft-

ir því sem hentar með lásrónni. Lásróin

þarf að vera rétt fest á til að hindra

vatnsleka.

Ef vélin er tengd við nýjar pípur eða pípur

sem hafa ekki verið notaðar í langan tíma,

ættirðu að láta vatnið renna í nokkrar mínút-

ur áður en þú tengir innslönguna.

EKKI nota tengislöngur sem hafa áður

verið notaðar á gamalli vél.

Þetta heimilistæki er með öryggisbúnað

sem hindrar að vatnið sem notað er í

heimilistækinu geti skilað sér aftur í

drykkjarvatn. Þetta heimilistæki sam-

ræmist gildandi reglugerðum um pípul-

agningar.

Innslanga með lekavörn

Eftir að innslangan, sem er með tvöfaldan

vegg, er tengd, er lekavörnin hjá krananum.

Þar af leiðandi er innslangan aðeins undir

þrýstingi á meðan vatnið rennur. Ef inn-

slangan byrjar að leka á meðan þessu

stendur, stöðvar lekavörnin vatnsrennslið.

Vinsamlegast gætið varúðar við uppsetn-

ingu innslöngunnar:

• Rafmagnssnúran fyrir lekavörnina er í

tvöfaldri innslöngunni. Sökkvið ekki inn-

slöngunni eða lekavörninni í vatn.

• Ef innslangan eða lekavörnin skemmist,

takið þá vélina strax úr sambandi við raf-

magn.

20 progress

Stránka sa načítava...

Progress PI3550X Používateľská príručka

Značka: Progress

Model: PI3550X

Kategória: Mixér / kuchynský robot príslušenstvo

Typ: Používateľská príručka

Stiahnite si PDF

správa

v iných jazykoch

dansk: Progress PI3550X Brugermanual

Progress PI3550X Používateľská príručka

Progress PI3550X Používateľská príručka

v iných jazykoch

Súvisiace články

Ostatné dokumenty